[English Below] មជ្ឈមណ្ឌលបច្ចេកវិទ្យាសហគមន៍ (ម.ប.ស.) កំពុងបង្កើតឱកាសថ្មីៗសម្រាប់សិស្សានុសិស្ស និងប្រជាពលរដ្ឋនៅតាមសហគមន៍ ដោយផ្តល់នូវចំណេះដឹងនិងការបណ្តុះបណ្តាលលើការប្រើប្រាស់កុំព្យូទ័រ អ៉ីនធឺណិតល្បឿនលឿន និងឯកសារស្រាវជ្រាវតាមប្រព័ន្ធឌីជីថល។ តាមរយៈការនាំយកបច្ចេកវិទ្យាឌីជីថលទៅកាន់សហគមន៍ ម.ប.ស. ធានាបានថាប្រជាពលរដ្ឋគ្រប់គ្នាមានឱកាសចូលរួមនៅក្នុងសេដ្ឋកិច្ច និងសង្គមឌីជីថលដែលកំពុងរីកចម្រើនយ៉ាងឆាប់រហ័សនៅក្នុងប្រទេសកម្ពុជា។ ម.ប.ស. នីមួយៗបាន៖ - ពង្រឹងអក្ខរកម្មឌីជីថល - ពង្រីកការប្រើប្រាស់បច្ចេកវិទ្យាឌីជីថល - គាំទ្រការរៀនសូត្រពេញមួយជីវិត - បើកឱកាសឱ្យធុរកិច្ចថ្មីឌីជីថល និង - កាត់បន្ថយគម្លាតឌីជីថលរវាងទីក្រុង និងជនបទ ការនាំយកចំណេះដឹងឌីជីថលទៅដល់សហគមន៍ គឺជាវិធីមួយដែលមានប្រសិទ្ធភាពបំផុត ដើម្បីបង្កើតកំណើនសេដ្ឋកិច្ច និងកសាងសង្គមឌីជីថលប្រកបដោយឆ្លាយវៃ និងភាពធន់។ Community Tech Centers (CTCs) are creating new opportunities for students, youth, and local residents across Cambodia by providing access to computers, high-speed internet, and digital learning resources. By bringing technology closer to communities, CTCs help ensure that everyone regardless of location, has the opportunity to participate in Cambodia’s growing digital economy. CTCs can contribute as below: - Improve digital literacy; - Expand access to technology; - Support lifelong learning; - Enable digital entrepreneurship; and - Reduce the urban-rural digital divide. Empowering communities with digital knowledge is one of the most effective ways to create inclusive economic growth and build a resilient digital society. When communities are connected, they become stronger, smarter, and more resilient.

គម្រោងមជ្ឈមណ្ឌលបច្ចេកវិទ្យាសហគមន៍លើកតម្កើនអក្ខរកម្មឌីជីថល មជ្ឈមណ្ឌលបច្ចេកវិទ្យាសហគមន៍ (ម.ប.ស.) បានដើរតួនាទីយ៉ាងសំខាន់ក្នុងការតភ្ជាប់គម្លាតឌីជីថលរវាងជនបទ និងទីប្រជុំជន តាមរយៈការសិក្សាតាមប្រព័ន្ធអ៉ីនធឺណិតពីរាជធានីភ្នំពេញ។ ម.ប.ស. បានចូលរួមបណ្តុះបណ្តាលមូលដ្ឋានជំនាញឌីជីថលទៅកាន់សិស្សានុសិស្សលើផ្នែកវិទ្យាសាស្ត្រកុំព្យូទ័រនិងបច្ចេកវិទ្យាឌីជីថល និងធានាថាការបណ្តុះបណ្តាលបានបំពេញតាមស្តង់ដារជាតិ និងអន្តរជាតិ ស្របតាមក្របខ័ណ្ឌសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន ស្របតាមផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជាឆ្នាំ២០២៤-២០៣៥។ ម.ប.ស. មាន ៤មុខងារ គឺ (១) បន្ទប់កុំព្យូទ័រ (២) បន្ទប់បណ្តុះបណ្តាល (៣) ប៉ុស្តិ៍ប្រៃសណីយ៍ (៤) សាលសាធារណៈ។ បច្ចុប្បន្ន ម.ប.ស. មានទីតាំងចំនួន ២១ នៅក្នុងវិទ្យាល័យនានាទូទាំងប្រទេស ហើយក្រសួងប្រៃសណីយ៍និងទូរគមនាគមន៍ ក៏មានគម្រោងក្នុងការសាងសង់ ម.ប.ស. ចំនួន ១១ទីតាំង បន្ថែមនៅក្នុងឆ្នាំនេះ ដើម្បីជំរុញការធ្វើបរិវត្តកម្មឌីជីថលទូទាំងប្រទេស។ សម្រាប់ព័ត៌មានលម្អិត សូមចូលទៅកាន់គេហទំព័រផ្លូវការរបស់ ម.ប.ស. គឺ www.ctc.edu.kh ដើម្បីតាមដានការវិវឌ្ឍន៍ថ្មីៗ។ #CTC #technology #posts #telecommunications #digital #MPTC #TechAdoption #CommunityTechCenter #MPTCPress #PhnomPenh #Cambodia

គម្រោងមជ្ឈមណ្ឌលបច្ចេកវិទ្យាសហគមន៍បន្តជំរុញការអភិវឌ្ឍទៅកាន់សង្គមឌីជីថល ក្រសួងប្រៃសណីយ៍និងទូរគមនាគមន៍ (ក.ប.ទ.) បាននិងកំពុងកសាងហេដ្ឋារចនាសម្ព័ន្ធឌីជីថល តាមរយៈការបង្កើតមជ្ឈមណ្ឌលបច្ចេកវិទ្យាសហគមន៍ (ម.ប.ស.) ដើម្បីតភ្ជាប់គម្លាតឌីជីថលរវាងជនបទ និងទីប្រជុំជន តាមរយៈការសិក្សាតាមប្រព័ន្ធអ៉ីនធឺណិតពីរាជធានីភ្នំពេញ។ ម.ប.ស. បានចូលរួមបណ្តុះបណ្តាលមូលដ្ឋានជំនាញឌីជីថលទៅកាន់សិស្សានុសិស្សលើផ្នែកវិទ្យាសាស្ត្រកុំព្យូទ័រនិងបច្ចេកវិទ្យាឌីជីថល និងធានាថាការបណ្តុះបណ្តាលបានបំពេញតាមស្តង់ដារជាតិ និងអន្តរជាតិ ស្របតាមក្របខ័ណ្ឌសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន (Digital Media Information Literacy Framework - DMIL)។ ម.ប.ស. មាន ៤ មុខងារ គឺ (1) បន្ទប់កុំព្យូទ័រ សម្រាប់បណ្ដុះបណ្ដាលសិស្សានុសិស្សនៅក្នុងវិទ្យាល័យ (2) បន្ទប់បណ្តុះបណ្តាល សម្រាប់បណ្ដុះបណ្ដាលបុគ្គលិកប្រតិបត្តិនិងប្រជាពលរដ្ឋនៅក្នុងសហគមន៍ (3) ប៉ុស្តិ៍ប្រៃសណីយ៍ សម្រាប់ជំរុញសេវាកម្មបញ្ញើប្រៃសណីយ៍គ្រប់គ្រងដោយប្រៃសណីយ៍កម្ពុជា (4) សាលសាធារណៈ សម្រាប់ឱ្យសិស្សានុសិស្ស និងប្រជាពលរដ្ឋក្នុងសហគមន៍សិក្សា ប្រជុំ ឬស្រាវជ្រាវអំពីព័ត៌មានផ្សេងៗ។ បច្ចុប្បន្ន ម.ប.ស. មានទីតាំងចំនួន ២១ នៅក្នុងវិទ្យាល័យនានាទូទាំងប្រទេស។ ក.ប.ទ. ក៏មានគម្រោងក្នុងការសាងសង់ ម.ប.ស. ចំនួន ១០ទីតាំង បន្ថែមនៅក្នុងឆ្នាំនេះ ដើម្បីជំរុញដល់ការធ្វើបរិវត្តកម្មឌីជីថលទូទាំងប្រទេស ស្របតាមផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជាឆ្នាំ២០២៤-២០៣៥។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ ម.ប.ស. គឺ www.ctc.edu.kh ដើម្បីតាមដានការវិវឌ្ឍន៍ថ្មីៗ។ #CTC #technology #posts #telecommunications #digital #MPTC #TechAdoption #CommunityTechCenter #MPTCPress #PhnomPenh #Cambodia